📌 نحنا ما عم نسترجي نرتبط
مو بس مشان الغلاء و التكاليف ..

📌 فقدنا فكرة انو نلاقي شخص بهالأيام
قادر يضل معنا للعمر اللي نقدر نتصور فيه
صورة مع بعض ونحنا ختايرة ..

📌علاقاتنا مؤقتة ..
مصالح .. خيانة .. علاقة ساعية ..
بيكون معك بس براسل كل اللي
شافهن معلقين ع موضوع معين ع احد
الصفحات ..

📌ياريت ما اخترعوا مواقع التواصل
الاجتماعي ..

📌ارتباط هش .. عبارة عن فقاعة صابون ..

📌اول خلاف بين الطرفين .. يعني .. بلوك ..
بتهون العشرة وابو العشرة ...

📌 الموضوع نسبي ..
يعني التعميم مرفوض طبعا ..
ومو كل الناس سلبيين بس هيك
معظم الواقع تبعنا للأسف ..

📌 صرنا خايفين من الإختيار الغلط
و مرعوبين من فكرة نكمل مع شخص
واحد "قد ما يكون بيستاهلنا" ..

📌هني بدن ياك
تكون بحياتن وبنفس الوقت
اي ثغرة تعارفية بتصحلن رح يركضوا
وراها بدون تردد .. يعني ماعندن قناعة
بشريك واحد ..

📌 رغم انك مو مقصر ..
بس خلص صار في انستغرام و سناب
وصار الحرام سهل .. والتخت سهل ..
وتبادل الواتساب سهل و كثرة الأشخاص
الموجودين قدامه بالحياة وعالنت
عم تخرب كل شي ..

📌 صار من الصعب تلاقي
شخص مكتفي .. قنوع .. شايفك وملتزم
فيك .. ( شايفك ومو مصدق )

📌 ما رح يوفروا لا شب ولا بنت ..

📌 تغيرت الحياة وتغيرت الناس وتغيرت العلاقات ...